పద్మార్పిత గారిపై శ్రీ మాధవరావు పూర్వాషాడ గారి భావాలు

 ఆమెను తెలిసినవారు అభిమానించగలరే తప్ప అంతరంగాన్ని అర్థం చేసుకోవడం బహుకష్టతరం. అన్నీ తెలిసిన అపూర్వజ్ఞానిలా అనిపించి అంతలోనే పసిపిల్లలా అనిపిస్తుంది ఇది వాస్తవం. ఈ తత్వాన్ని ఆమె కవితల్లో చాలా వరకు గమణించవచ్చు. అయినా స్త్రీని తెలుసుకోవడం బ్రహ్మతరమే కాలేదు సామాన్యుడిగా నేను యేపాటి... ఆమె రచనలు వాస్తవానికి దగ్గరగా ఉండి చిరస్కాలం గుర్తుండిపోతాయి ఇది సత్యం.

తీపిచేదు మొదలైన భావషడ్రుచుల కలయిక పద్మార్పిత అందించు అలరించే కవితలమాలిక మత్తో మాయో తెలియని గమ్మతో ఆమె వ్రాయు అక్షరాలు కాదు మాటలమూటలు మనసును మురిపించి మెలిపెట్టును అక్షరాలు తెలుగు పదాలు ఆమె కలంలో తేనెలూరి చిత్రాలు అందాలను ఎన్నింటినో సింగారించుకుని నవరసాలు కలగలపి ఉత్తేజపరుచు కవితలు మల్లెల పరిమళం వెన్నెల చల్లదనాన్ని జతకలిపి ఆవేశం అనురాగం ఆవేదన హాస్యం ప్రేరణ ఉల్లాసం అన్నీ సమయానుసారం సమపాళ్ళలో భావుకతను జోడించి అందించడం ఆమె కవితలకు కుంచెకే సొంతం సాధ్యం.