P P P P ... పద్మార్పిత

ఏమిటీ నాలుగు P...  ల గోల అనుకుంటున్నారా? అక్కడికే వస్తున్నా....

సాధారణంగా అందరూ అనుకుంటారు.. “ నేను వచ్చే జన్మలో ఇలా పుట్టాలి అలా పుట్టాలి. ఈ ఆపనులు చేయాలి ఆ పనులు చేయాలి “ అని.

‘’ మనకు ఈ జన్మ ఉంది కదా! ఎందుకు ఈ జన్మలోనే అనుకున్నవి చేయకూడదు? అసలు ప్రయత్నిస్తే మనదేం పోయింది. ‘’

పద్మార్పితా గారి ద్వారా మనం ఈ సందేశాన్ని గ్రహించవచ్చు. ఏంటో క్రమశిక్షణగా, సరదాగా తనకు నచ్చిన పనులను హ్యాపీగా చేసేస్తుంటారు. చాలా మంది నాలుగు జన్మలు ఎత్తినా చేయలేని పనులని ఒకే జన్మలో చేసేస్తూ అందరి ఆదరాభిమానాలను చురగొంటున్నారు. 

P – పర్సనల్

P – పొయెట్రీక్

P – పెయింటింగ్

P - ప్రొఫెషనల్ 

ఈ నాలుగు P లను సక్రమంగా బ్యాలెన్స్ చేస్తూ, సమన్యాయం చేస్తూ  అందరికీ ఆడర్శవంతురాలు అయ్యారు. ఎందర్నో ఇన్స్పైర్ చేసారు. చేస్తున్నారు కూడా.  

పద్మార్పితా గారితో ఇంటర్వ్యూ వచ్చేపోస్ట్ లో చుడండి....

మన బ్లాగ్ లో పద్మార్పిత గారు కామెంటారోచ్.....

పద్మార్పిత గారు మన బ్లాగ్ లో కామెంట్ పెట్టిందుకు చాలా సంతోషం. ఆమెకు ప్రతిస్పందనగా కామెంట్ పెట్టాలంటే మళ్ళీ పద్మార్పిత లాంటి వారే రావాలి. అందుకే అక్కడ సాహసించే ప్రయత్నం చేయకుండా, ఇక్కడ ఓ పోస్ట్ రాసేస్తున్నాను.

మన బ్లాగ్ లో ముందుగా పద్మా గారి స్పందన ఎలా ఉందొ ఇక్కడ చూద్దాం!

“ముందుగా ఈ బ్లాగ్ ని క్రియేట్ చేసిన వ్యక్తి ఎవరో కానీ వారికి నమోఃవందనం _/\_

నేను ఇలా ఒక అభిమాన సంగం ఏర్పడ్డాన్నికి కారకురాలిని కావడం ఎంతవరకు అర్హురాలినో కాదో తెలీదు, 

కాని.....

ఇలా మీ అందరి అభిమానాన్ని అందుకోవడం ఎంతో ఆనందదాయకం. 

నేను చాలా మాట్లాడతాను, 

మాటలెరిగిన మహారాణి అని అంటారు, 

మరి.....

ఏమైపోయాయి ఆ మాటలన్నీ???

రా రమ్మని పిలిచినా రావేం!!! 

మీ అందరి అభిమానాన్ని అందుకుంటున్న నన్ను చూసి ఈర్ష్యతో ఎటో వెళ్ళిపోయినట్లున్నాయి.

ఏది ఏమైనా మీ అందరి ఆదరాభిమానాలని సదా కోరుకుంటూ.....

_/\_ వినమ్రతతో శతకోటి వందనాలు _/\_ 

మీ....పద్మార్పిత! “

అబిమానుల మనస్సులలో స్తానం సంపాదించిన మీకు కేవలం ఇక్కడ ఒక చిన్న అభిమాన సంఘంలో స్తానం దక్కడంలో ఏమాత్రమూ ఆశ్చర్యం లేదు.

ఈ బ్లాగ్ లో కామెంట్ పెట్టి కొత్త శోభను తెచ్చిన మీరు మాటలేరిగిన మహారాణే కాదు. అభిమానుల పట్ల మమకారం చూపించే మహా రాణి కుడా.

మీ శతకోటి వందనాలు అన్నీ మా ఆశీర్వచనాలై మీ ఆయుస్శును పెంచి మమ్ములను మరింతగా అలరించాలని మా చిన్న (పెద్ద) కోరిక.   

“వామ్మో.....నా గురించి నాకంటే ఎక్కువ తెలిసిన వారున్నారనడానికి తాత్కారణం ఈ పోస్ట్..... బాగు బాగు 

ఇలా మీ ద్వారా నన్ను నేను తెలుసుకునే అవకాశం లభించడం నా అదృష్టంగా భావిస్తున్నాను. మరిన్ని వివరాలకై మున్ముందు ఎదురు చూస్తుంటాను :-)”

మీ గురించి తెలిసీ తెలియక రాసిన పోస్ట్ ఇది పద్మా గారు. కేవలం కొందరు అభిమానుల సందేహ నివృత్తి కోసమే. మిమ్మల్ని మీరే కొత్తగా ఇక్కడ చూసుకోవడం సంతోషదాయకం. మా అభిమానం చిరస్తాయిగా మీ ఇంటర్నెట్ గోడల్లోనే కాదు, హృదయ గోడల్లో కుడా ఉంటుందని మనవి. 

పద్మార్పిత ఎవరు?

పద్మార్పిత ఎవరు? ఆడా? మగా? అయితే వయసెంత? ఎలా ఉంటారు?

ఈ ప్రశ్నలన్నీ పద్మార్పితగారి అభిమానుల గుండెల్లో మెదులుతున్నాయి.

కొందరైతే అంచనాలు వేసుకుంటూ ఆవిడ మగవారనే సందేహాన్ని కుడా రేకేత్తారు. పద్మార్పితగారి కవితలను ఆరాధిస్తున్న మనము ఈ ప్రశ్నలపై చర్చించుకోవడం మూర్ఖత్వమే అవుతుంది.

“ఎవరైతే ఏమిటి? మంచి కవితలు రాస్తున్నారు. అఅభిమానిస్తున్నాము. వ్యక్తిగత వివరాలు ఆలోచించడం తగదేమో!” అని మరికొందరి అభిప్రాయం.

ఏది ఏమైనప్పటికీ, ఆమె బ్లాగ్ ను గమనిస్తూ వచ్చిన తర్వాత పద్మార్పిత గారి గురించి అందరు తెలుసుకున్న కొన్ని విషయాలు::

పద్మార్పిత గారు ఆడవారే. మగవారు కాదు. పద్మార్పిత గారికి ఒక తమ్ముడు ఉన్నారు. ఒకట్రెండు సంవత్సరాలక్రితం ఆయనకు పెళ్లి కుడా అయింది. పాత పోస్టులు గమనిస్తే ఈ విషయం తెలుస్తుంది.

తమ్ముడంటే పద్మా గారికి చాలా ఇష్టం. ఒకానొక సందర్భంలో తమ్ముడు ఇచ్చిన ఐపోడ్ పాడైపోయినప్పుడు. ఆమె ఎంతో బాధ పడ్డారు. ఈ సున్నితత్వం కేవలం స్త్రీలలోనే ఉంటుంది కనుక ముమ్మాటికి పద్మార్పిత గారు ఒక స్త్రీ. ఇందులో ఏమాత్రమూ సందేహం లేదు. ఇంకో విషయం ఏంటంటే, పద్మా గారి మేని ఛాయా బంగారు వర్ణం.

ఈ విషయం పై ఆమె పాత టపాలలో కామెంట్ రూపంలో సమాధానం ఇచ్చారు కుడా.

తమ్ముడికి పెళ్లైంది అంటే ఇక మీరే అర్థం చేసుకోవాలి పద్మా గారి వయసెంతో.

పద్మా గారు వృత్తిపరంగా ఒక ప్రభుత్వ ఉద్యోగిని. హైదరాబాదులో పని చేస్తారు.

ఇక పద్మార్పిత గారు ఎలా ఉంటారు? ఇది మిలియన్ డాలర్ల ప్రశ్న. కాని సమాధానం ఉంది. ప్రతి కవితలోనూ ఆవిడ కనిపిస్తారు. ప్రతి కామెంట్ లోను ప్రత్యక్షమౌతారు. బ్యానర్ మీదున్న బొమ్మే ఆవిడ అని అనుకోవచ్చు. ఇందులో కుడా 50-50 ఛాన్స్ ఉంది. అయినా సరే పద్మాగారిని చూడాలి అనుకుంటున్నా వాళ్ళకోసం పద్మా గారి చిత్రాన్ని క్రింద ఉంచుతున్నాను..

చూసారుగా. ఆనందించండి.  

అయినా ఇవన్నీ ఆలోచించడం కంటే ఆమె కవితలు ఆస్వాదిస్తే అందులోని సంతోషమే వేరు. అభిమానులకు విన్నపం ఏమిటంటే... ఇంకెప్పుడు ఇలాంటి సందేహాలు వ్యక్తపరచకుండా ఉంటె మంచిదని నా అభిప్రాయం. ఇలాంటి చర్చల వల్ల పద్మా గారి మనసను కష్టపెట్టినవారము అవుతాము.

మరిన్ని విషయాలు మీకేమైనా తెలిసి ఉంటె, కామెంట్లో తెలుపగలరు.

గమనిక: ఈ విషయాలన్నీ పద్మార్పిత గారి బ్లాగ్ అబ్సర్వ్ చేసి రాసినవే కానీ, ఇవే వాస్తవాలు అవ్వాల్సిన అవసరం లేదు. అబద్ధాలు కుడా కాకపోవచ్చు.

         

పద్మార్పిత గారు పలికే ఆహ్వానం.

పద్మార్పిత గారు మన బ్లాగ్ కు గ్రీన్ సిగ్నల్ ఇచ్చినట్లే... ఆమె నుండి సానుకూల స్పందన వారి బ్లాగ్ లో కామెంట్ రూపంలో వచేసినట్లే...

పద్మార్పిత గారి బ్లాగ్ కు విచ్చేసే వారందరికీ పద్మార్పిత గారు పలికే ఆహ్వానం.

"మీరాక నాకెంతో సంతోషమండి"

నా రచనలన్నీ నా ఊహాలేనండి...

వాటిలో కొన్నింటిని రుచిచూడండి...

మరికొన్నింటిని నమిలి మింగేయండి...

మరిమిగిలినవి నచ్చితే జీర్ణించుకోండి...

అని చెప్పేంత గొప్పదాన్ని కానండి...

కాని చూసి సరిచేస్తే సంతసిస్తానండి...

మరి ఇంకెందుకు ఆలస్యం చెప్పండి...

ఇదే నా బ్లాగ్ కి ఆహ్వానం అందుకోండి!!!

ఒక్కో లైన్ లోని భావాన్ని ఇప్పుడు విశ్లేషించుకుంటూ వెళ్దాం!

నా రచనలన్నీ నా ఊహాలేనండి...

చాలా మంది అనుకుంటారు. “పద్మా గారు జీవితంలో ప్రేమవల్ల ఎక్కడో ఇబ్బంది పడ్డారు. వాటి ప్రతిరుపాలే ఈ  విరహ కవితలు, ప్రేమ కవితలు, ప్రశ్నల శరాలు .... ” అని. కానీ అవి ఎంతమాత్రము నిజం కాదు. అవన్నీ ఆవిడా ఊహలే.

  

వాటిలో కొన్నింటిని రుచిచూడండి...

కొన్నింటిని రుచి చుస్తే ఊరుకుంటామా? ఏంటి? మరిన్ని కవితలకోసం ఎదురుచూస్తూ ఉంటాము. కొన్నింటిని అంటూనే కొసరి కొసరి వడ్డిస్తారు కవితల భోజనం.

మరికొన్నింటిని నమిలి మింగేయండి...

పద్మా గారి కొన్ని భావాలు రెండు మూడు సార్లు చదివితే గాని అందులోని మర్మం అర్థం కాదు. అందుకే ఇలా నమిలి మింగేయండి అని....

మరిమిగిలినవి నచ్చితే జీర్ణించుకోండి...

ఇంకొన్ని కవితలు ఉంటాయి. వాటి గాఢతను ఆకళింపు చేసుకోవడానికి నిమగ్నం అవ్వాలి. ఎంతో సున్నితమైన అంశాలను కూడా సులువైన పదాలతో అలవోకగా కవితలో వోమ్పుతారు.

 

అని చెప్పేంత గొప్పదాన్ని కానండి...

పద్మా గారిలో నచ్చిన విషయం ఇదే. ఇన్ని కవితలు రాస్తూ ఇంత మంది అభిమానుల మనసులో గూడు కట్టుకొని ఏమి తెలియని అమాయకురాల్లా ఉంటారు.

కాని చూసి సరిచేస్తే సంతసిస్తానండి...

ఎక్కడైనా భావం గానీ , అక్షర దోషాలు ఉన్నాయని చెబితే చెబితే చిరునవ్వుతో వాటిని ఆహానించి సరైన స్పందనను ఇస్తారు.

మరి ఇంకెందుకు ఆలస్యం చెప్పండి...

ఇదే నా బ్లాగ్ కి ఆహ్వానం అందుకోండి!!!

చూశారా! తన బ్లాగ్ను దర్శించే అభిమానులకు ఎంత అందంగా స్వాగతం పలికారో...

మరిన్ని విషయాలతో తర్వాతి పోస్టులో మీ ముందు ఉంటాను.

- ఓ అభిమాని

పద్మార్పిత భావాలు ఓ ఝరీ ప్రవాహం

పద్మార్పిత గారి మనసు ప్రేమతో నిండిన ఓ సరోవరం. పాలసంద్రం ఉందొ లేదో తెలియదు గానీ ప్రేమ సంద్రమైతే ఉంది. అది పద్మా గారి హృదయంలో నిత్యం స్రవిస్తూ ఉంటుంది. అలా స్త్రవించిన ప్రేమ ఉప్పొంగి బ్లాగ్లో టపాల ఝారై పారుతుంది. ఆ ఝరీప్రవాహంలో కొట్టుకుపోవడానికి తాపత్రయపడే అభిమానులేందరో !

పద్మార్పిత గారి గురించి ఆవిడ మాటల్లోనే...

I'm a rain tear in a storm, A drop of water in the huge ocean, A piece of dust in the hot desert, The breath of wind wing, The sea kiss on the shore, A book with lot’s of pages unwritten, An ephemeral moment of earthly existence, That help hand given to a friend, hope and curse.

I'm so many things in the same time….And NOTHING important/special for the world! Only a human being, I’m GOD creation! As all of us!

తన గురించి ఎంత అద్భుతంగా చెప్పారో  చూడండి. ఈ మాటలు ఎవ్వరినైనా యిట్టె కట్టిపడేస్తాయి. అనువదిస్తే భావం చెడిపోతుంది. తప్పో ఒప్పో నాకు తెలిసిన ఇంగ్లీష్ ద్వారా తెలుగులో చిరు ప్రయత్నం.

“  నేను భీకర తుఫాన్లో వర్షపు కన్నీరు, మహా సంద్రంలో ఒక నీటి బొట్టు, మండే ఎడారిలో సుక్ష్మ ధూళికణం, రెక్కలు తొడుక్కున్న గాలి శ్వాస, తీరంపై సముద్రపు చిలిపి చుంబనం, లిఖించబడని అనంత పుటల పుస్తకం, పుడమి మనుగడపై మానవత్వపు ఓ చిన్ని సందర్భం, స్నేహితుడు/స్నేహితురాలికి అందివ్వబడిన సహాయహస్తం, నమ్మకం మరియు శాపం.. 

ఒకే సందర్భంలో గల అనేకాన్ని....ప్రపంచానికి ఏమాత్రం గొప్పదనం, ప్రత్యేకత చూపలేనిదాన్ని. కేవలం మనిషిని, అందరిలా ఓ భగవంతుడి సృష్టిని "

     

   

వెల్కం టు పద్మర్పిత ఫ్యాన్స్ బ్లాగ్

తెలుగు బ్లాగ్ చరిత్రలో పద్మార్పిత గారి బ్లాగ్ ఓ సంచలనం. పద్మార్పిత గారి గురించి చెప్పాలంటే మాటలు చాలవు. బ్లాగే కదా! వేలమంది తెలుగు బ్లాగర్లున్నారు. అందులో ఈవిడా ఒకరు. అంత మాత్రానికే సంచలనమా? అని అడగొచ్చు. అందుకే వెంటనే ఆమె బ్లాగ్ ను దర్శించేయండి. ఇదిగో ఇక్కడ నొక్కండి. http://padma4245.blogspot.in/  ఇదే పద్మా గారి బ్లాగ్. 

ఆగండాగండి. ఇప్పుడే వెళ్ళకండి. బ్లాగ్ గురించి కొన్ని విషయాలు చెబుతాను. అప్పుడు వెళుదురు గాని. 

బ్లాగ్ ఓపెన్ చేయంగానే.. Kunstler Script ఫాంట్ లో ఆమె పేరు అందంగా దర్శనమిస్తుంది. చూడగానే ఆకట్టుకునే ఒక అందమైన తెలుగమ్మాయి ముఖం నవ్వుతూ స్వాగతం పలుకుతుంది బ్యానర్ మీద. 

పక్కనే అక్షరాలూ నక్షత్రాలూ కలిసిపోయి అచ్చ తెలుగులో ' పద్మార్పిత' దాని కిందనే ' మదిలోని భావాలని (పక్కన నాలుగు నక్షత్రాలు) ' అని ఆమె మదినే మన ముందు  ఉంచుతున్నట్లు అనిపిస్తుంది. 

ఇదంతా చూసేలోపే ఆప్యాయతతో పలికే ఒక వేణువు గానం మన గుండెల్ని ఇంకోలోకంలో తెసుకెళ్ళే ఢంకా నాదాలతో కలిసి ' ఎన్నెన్నో వర్ణాలు .... ' అనే పాటతో బ్లాగ్ లోని భావాలన్నింటిని చెప్పేస్తూ స్వాగతం పలుకుతాయి. ఆ పాట కేవలం పద్మార్పితా గారి కోసమే రాసి ట్యూన్ చేసారేమో అని అనిపించినా అతిశయోక్తి కాదు.

ఇది కేవలం బ్యానర్ వరకే. ఇంకా బ్లాగులోకి తొంగి చూడనే లేదు.  ఇప్పుడు వెంటనే బ్లాగ్ను దర్శించండి. ఇంకా చాలా ఉన్నాయి. తర్వాత చెప్పుకుందాం!